Ən keyfiyyətli smart saat modelləri
Texnologiyanın inkişafı ilə saatlar da dəyişməyə başladı. Sahib olduğu xüsusiyyətləri ilə göz oxşayan smart saatlar tədricən həyatımızın bir parçasına çevrilir. Səsli axtarış etməkdən nəbzimizi ölçməyə qədər bir çox özəlliklərə sahib smart saatların qiymətləri fərqlidir. Maraqlı dizayna, yüksək keyfiyyətə sahib olan ağıllı saatları siz də əldə edə bilərsiniz.
Samsung Galaxy Watch
Saatın 46mm və 42mm olmaqla iki növü var. 46mm versiyası 4 günədək enerji saxlayır. Samsung Galaxy Watch eyni marka telefon işlədənlərin ən sevimli saatıdır. Həm Android, həm də iOS əsaslı saatda 40-a qədər məşq proqramı var.
Apple Watch Series 5
iPhone istifadəçiləri üçün ən ideal saatdır. Saatın boz, gümüşü və qızılı olmaqla 3 rəngi var. Olduqca geniş ekranı sayəsində istədiyiniz məlumatları oxumağınızı təmin edən smart saat 40mm və 44mm olmaqla 2 növdədir. Saatla ürəyin EKG-sini çəkmək mümkündür.
Honor Watch Magic 2
İdmançıların sevdiyi, olduqca şıq görünüşlü saat gün ərzində orqanizminizi izləməyə kömək edəcək. Yandırdığınız kalorini, sürətinizi və nəbzinizi qeydə alan saat su keçirmir. Dənizdə, hovuzda da taxmaq olar. Saat GPS-lə təmin olunub. 2 həftəyədək enerji saxlayır.
Fitbit Versa 2
Qiymət və keyfiyyət baxımından ən yaxşı saatlardan olan Fitbit Versa 2 maraqlı dizayna malikdir. Ekranın davamlı olaraq açıq qalması sayəsində idman edərkən lazımi məlumatları anındaca oxuya bilərsiniz. Saat Alexa ilə eynilik təşkil edir.
Honor Watch Magic
Paslanmayan materialdan hazırlanan Honor Watch Magic smart saatının xarici gövdəsi neylon plastikdən hazırlanıb. Saatın qayışlarını zövqə uyğun dəyişmək mümkündür. 7 günə qədər enerji saxlayan saatı 10 dəqiqə enerjiyə qoşub gün boyu istifadə etmək olar. Saat 9,8 mm qalınlığındadır və 50 metr dərinliyədək suya davamlıdır.
Huawei Watch GT 2
Metal və qayış növləri olan smart saatla stress səviyyənizi ölçə bilərsiniz. Sukeçirməz saatdakı səsgücləndirici sayəsində musiqi dinləmək olar. Bluetooth bağlantısına sahibdir. İdman etdiyiniz zaman sizi lazımi məlumatlarla təmin edəcək. Gün ərzində neçə addım atdığınızı saatın vasitəsilə öyrənə bilərsiniz.
Xiaomi Amazfit Pace 2
Smart saat addım saymaq, ürək ritmini ölçmək, yuxu təqibi kimi 11 fərqli xüsusiyyətə malikdir. 280 mAh batareyası sayəsində 5 günə qədər enerji saxlayan saat 1 saata tam enerji yığır. Kimyəvi təsirlərə, zərbəyə qarşı dayanıqlı karbon fiber əsaslı polikarbonat gövdəyə və cızılmayan sərt şüşəyə sahib saatı illərlə işlətmək olar.
