Kişi qol saatları arasındakı fərqlər
Dövrümüzdə bütün əşyalarda olduğu kimi, qol saatlarında da seçim çoxdur. Hər kəs öz zövqünə və büdcəsinə uyğun saat sifariş verə bilər. Müxtəlif tərzdə və qiymətlərdə onlarla tanınmış model və markanın saatları mövcuddur. Bəs bu saatlar arasındakı fərqlər nədən ibarətdir? Axı vizual olaraq bəzən bir-birlərinə bənzəyirlər. Belə olan halda aradakı qiymət fərqi nə ilə əlaqədardır?
Bu yazıda ucuz və bahalı kişi qol saatları arasındakı 3 əsas fərq izah olunur:
Fərq-1
100 və 1000 dollar arasındakı saatlar arasındakı fərqi təyin edərkən, diqqət etməli olduğunuz ilk şey məhsulun keyfiyyəti və düzəldilməsi ilə bağlı olan sənətkarlıq keyfiyyətidir. Əla keyfiyyət böyük pula dəyir.
100 dollardan aşağı olan saatların, yəqin ki, istehsal zamanı ümumi keyfiyyəti və materialları ucuz olub. Ucuzluğunu illər keçdikcə korpusda, ilgəkdə və ya qolbaqda metalın solması ilə asanlıqla müəyyən etmək olacaq. Belə bir qiymətə orijinal dəri kəmər, yüksək keyfiyyətli şüşə və ya əla bir mexanizm təklif oluna bilməz.
1000 dollardan yuxarı saatların isə keyfiyyəti nəzərəçarpacaq dərəcədə yüksək olur. Siz fərqi asanlıqla biləyinizdə hiss edə bilərsiniz. Dəri qayışlar təbii, qalın və rahat olacaq, metal bilərziklər davamlı olacaq və ümumiyyətlə paslanmayan poladdan, alüminiumdan, titandan və ya digər qiymətli metallardan hazırlanır.
Fərq-2
Saatın ən vacib hissələrindən biri şüşəsidir. Görünən mexanizmləri qorumaq üçün müxtəlif keyfiyyətli saatlarda istifadə olunan 3 növ şüşə var: mineral şüşə, elektron saatlarda plastik şüşə və sintetik sapfir/akril şüşə. Ucuz saatlarda mineral şüşədən istifadə olunur. Bu cür şüşə cızıqlara elə də davamlı deyil, istehsal üçün ucuzdur və zədələr üçün olduqca həssasdır.
Bahalı saatlarda isə akril və sapfir şüşələrdən istifadə olunur: akril şüşəni cızmaq və ya qırmaq çox çətindir. Bununla belə, hətta yüngül cızıqlar belə, peşəkar bir atelyedə asanlıqla cilalana bilər. Sapfir (göy yaqut) saat sənətində nisbətən yeni inkişafdır. Əslində, hətta sintetik sapfir olsa da, onu qırmaq olduqca çətindir və onu sadəcə cızmaq üçün almaz və ya sapfir ucluq lazımdır. Bir halda ki, yüksək keyfiyyətli saatların daha bahalı hərəkət hissələri olur, xarici kristallarının da daha güclü olmasını istəyərsiniz. Buradan da onun yekun dəyəri daha da artmış olur.
Fərq-3
Saatın ürəyi mexanizmdir. Qol saatlarında mexanizmlərin hərəkətinin iki əsas tipi mövcuddur: kvars və mexaniki. Kvars mexanikası ucuz, aşağı keyfiyyətli saatlara daha çox uyğun gəlir. O, ən çox yayılmış mexanizmdir. Kvars mexanizmi adi bir batareyadan qidalanır və kvars kristalından istifadə edilərək enerjini çevirir, buna görə ildə bir və ya iki dəfə batareyanı dəyişdirməli və yenisini qoymalısınız. Kvars mexanizmi dünyada ən dəqiqdir. Kvars saatlarının qiymətinin aşağı olmasının əsas səbəblərindən biri də çox sayda kiçik hərəkət hissələrinin olmamasıdır, buna görə də son montaj üçün daha az insan əməyi tələb olunur, fabriklərdə hətta avtomatik olaraq yığıla bilər.
Mexanika isə yalnız bahalı saatlara quraşdırılır: bu mexanizm yaylı kəfkirlərin, dişli çarxların, buraxıcı mexanizmin və tənzimçinin köməyi ilə saatı hərəkətə gətirir. Mexanik bir saatda vaxt balans təkərciyi və ya kəfkir istifadə edilərək tənzimlənir. Mexaniki hərəkət adətən 500 dollardan çox olan saatlarda və ya lüks brendlərdə olur. Mexanik saatlar kvars və ya elektron kimi dəqiq deyil, lakin istehsalın daha əla və peşəkar keyfiyyəti, həqiqi sənətkar əlində yığılması ilə fərqlənir. Mexanik saatların digər bir xüsusiyyəti zərgərlikdir. Zərgərlik elementləri erkən köhnəlmədən qorumaq üçün saatın müxtəlif hissələri arasında yerləşdirilir.
