Brend saatlar hansı şüşədən istifadə edir?
Yalnızca saatın gözəlliyi deyil, onun keyfiyyəti və qiyməti də saatın korpusunun materialından aslıdır. Məsələn, Çində çox sayda istehsal olunan alüminium saatlar var. Təbii ki, bu material korpus üçün ideal deyil. Çünki çox yumşaqdır, asanlıqla zədələnir və hətta keyfiyyətsiz alüminium dərini ləkələyir.
Korpus eyni zamanda bürüncdən və ya paslanmaz poladdan ola bilər. Belə korpuslar çox dayanıqlı və uzunömürlü sayılır. Paslanmayan polad saatların istehsalında ən əlverişli seçim sayılır və çox bahalı məhsulların istehsalında istifadə olunur. Həmçinin titan korpuslu saatlar da öz keyfiyyətini sübut edir. Nə qədər çox titan ərintisi olarsa, saat o qədər yüngül və bahalı olur.
Korpusun örtüyünə gəldikdə isə əgər saatın korpusu paslanmaz polad və ya titan ərintisindən hazırlanıbsa, deməli onların üzərində çöküntü olmayacaq və bu üstünlük verilən cəhətdir. İstənilən materialdan hazırlanmış örtük zamanla təhrif olunur, cızılır və görüntüsü pozulur. Lak örtüyü olanlar ən keyfiyyətsiz sayılır, belə saatlar artıq bir neçə həftədən sonra öz görkəmini itirir.
Şüşə
O, plastikdən (orqanik şüşə), billurdan, mineral şüşədən və süni sapfirdən hazırlana bilər. Ən keyfiyyətlisi və uzunömürlüsü süni sapfirdən olandır, onu cızmaq mümkün deyil və sındırmaq çox çətindir. "Sapphlex" və "Tissot" kimi brendlər belə şüşədən istifadə edir.
İkinci yerdə mineral şüşədən hazırlanan saatlar gəlir ki, bunlar billur şüşədən hazırlanan saatlarla eyni səviyyəli sayıla bilər.
Dayanıqlı olmağına görə ən sonuncu plastik material gəlir. Nə qədər keyfiyyətli olur-olsun, onu cızmaq çox asandır.
Material
Bir qayda olarak saatın qolbağı korpusun hazırlandığı materialdan olur, ancaq bəzən istisnalara da rast gəlirik. Təbii dəridən olan kəmərləri də sevənlər az deyil. Lakin onlar bilməlidirlər ki, bir neçə müddətdən sonra belə kəmərlər təhrif olunur və onları dəyişmək lazım gəlir.
Qol saatlarında bir sıra əlavə funksiyalar ola bilər:
Saat zəngi - adətən elektron saatlarda rast gəlinir.
Təqvim - elektron saatlarla yanaşı, mexaniki saatlarda da rast gəlmək mümkündür.
İşıq - elektron saatlarla yanaşı, mexaniki saatlarda da rast gəlmək mümkündür.
"Ikinci vaxt" göstəricisi - tez-tez səyahət edənlər üçün maraqlı olur.
Taxometr - saat sahibinin hərəkətinin orta sürətini müəyyənləşdirməyə imkan verir.
Saat alarkən 2 əsas məqama fikir vermək lazımdır: zərbəyə davamlı olmasına və su keçirməməsinə.
